انتهى المخرج علي محمد علي مؤخرا من تصوير احدث كليباته الغنائية لمغني الراب الشعبي «شريف خالد» بعنوان الكينج.
اغنية «الكينج» كلمات ولحن حسام جمال، توزيع بلوكة المزيكاتي، والكليب يعد الانتاج الاول لشركة بوم ميديا برودكشن، مدير تصوير اسلام لوما، ومن اخراج علي محمد علي .
وتقول كلماتها: الكينج وصل الكينج.. جمدانكو كلو ده فشنك.. انا اسمي لوحده ده ترند واخدنها انتو بالعند.. حضر الملك نوركو يطفي.. اللي يفكر فيكو يختفي.. فاكرين اول مره شفتوني قالو مش هوصل حبه وينسوني.. لا ركبت وانتو بتجولي علشان كلو يبقي في القمة.. ايوه انا كينج من الأميرية وسط اخواتي يابا شرف ليا بلدي وببعت احلي تحية هما في ضهري وسندي اساس.
وصرح المخرج علي محمد علي: ان الكليب تم طرحه بالأمس على قناة نجم السوشيال ميديا شريف خالد الشهير بـ «أبو ضحكة جنان» على منصة الفيديوهات العالمية يوتيوب وحققت الاغنية خلال 12 ساعة قرابة 250 الف مشاهدة لتكون بذلك التريند رقم واحد على المنصة.
واضاف علي: ان المغني الصاعد شريف خالد له معجبين في كل الوطن العربي ويقدر عدد متابعيه على التيك توك بحوالي 7 مليون وعلى الانستجرام حوالي 2 مليون، ويحلم شريف بالعالمية على غرار الفنان محمد رمضان فهو يعتبره مثله الاعلى، واعرب «علي» عن سعادته بالعمل مع «شريف» في ثاني تجاربه الغنائية متمنيا استمرار التعاون بينهم في الفترة القادمة.
